Wee Scots Verse

[yeboah]

Is a dove a doo dad

Is a doo a dove

Is a cow a coo dad

Is a sparrow jist a spyug

Is a wall a wa dad

Is a dog a dug

She's gonnae warm ma ear dad

Instead o skelp ma lug

 

Ma teachers awfy posh dad

She changes aw oor names

Wee shuggie is now Hugh dad

And jimmy s ayeways james

Ah'm scunnered wi it aw dad

The way she shoogles words

Ah must be glaickit no tae Ken

That feathered friends are Burds

 

Ye learnt me aw wrong dad

Ye cawd a ball a baw

Your wife is now my mother

You said it was my maw

Ah'm no share hoo tae spell dad

Ahll niver pass ma test

Whit is this ah'm wearin dad

A simmet or a vest

 

Ah gave ma nose a dicht dad

When it began tae dreep

She gave me sich a fricht dad

Ah near fell aff ma seat

Haven't you a handkerchief

She roared as if in pain

No ah jist yase ma sleeve miss

And wiped ma nose again

 

Ah cawd a mouse a moose dad

Ah shid have held ma tongue

That manure oan yir bits dad

Nae longer is it dung

It's turnip and potatoes

No tatties noo or neeps

She said I've ripped my trousers

When ahd only torn ma breeks

 

There's twa words fir awthing dad

They're jumbled in ma heed

Hoo kin I be well bred dad

When a keep sayin breed

Now is a crow a craw dad

Is a bull a bull

All try tae get it richt dad

I will I will ah wull

[peter pandy]

:emoticon-0136-giggle:

[William Reid]

.

[Delboy]

Brilliant Mick

[andy Burgess]

:emoticon-0137-clapping:

[greenbar]

:emoticon-0137-clapping:

[sandy25]

In the vernacular "thats pure dead brilliant "

[Kyleakin Lofts]

Good one Mick.

[paddymac]

Cracker Mick :emoticon-0136-giggle: Well done

[Gogga]

Braw, Mick

[Grizzlecock]

Nae bad

[HughCurrie40]

Guid oscotch .tongue